Menu

  

    

 

Алтай1Профессор, филология илимдеринин доктору Гулжамал Жаманкулованын “Алтай тектүү элдердин цивилизациясы” деген аталыштагы илимий эмгек чыкты. Бул эмгекте цивилизация жана анын критерийлери, көчмөндөр цивилизациясы, анын өзгөчөлүгү, хунн жана түрк цивилизациялары, локалдуу кыргыз цивилизациясы тууралуу сөз болот. Аталган цивилизациялар пайда болуу, гүлдөө жана төмөндөө этаптары боюнча каралат. Алтай тил биримдигин камтыган байыркы Алтай доору көчмөн цивилизациялардын башатында турат. Кыргыз цивилизациясынын негизги көрсөткүчтөрүнүн бири катары байыркы кыргыз жазуулары иштин экинчи бөлүгүндө берилет.


1IMG КР УИАнын президенти, академик С.М.Джуматаев Кыргыз Республикасынын Улуу Британиянын Бириккен Падышачылыгындагы жана Түндүк Ирландиядагы Өзгөчө жана Толук ыйгарымдуу элчиси Гулнара Тентиевна Искакованы жана Кембридж университетинин Борбор Азия боюнча форумдун башчысы, профессор Сидхарт Саксенаны кабыл алды.

Жолугушууда профессор Сидхарт Саксена Кыргызстандын илимпоздору менен кызматташуу, Борбор Азиядагы илимий лабораториялардын картасын түзүү, жаш окумуштууларды биргелешип өстүрүү максатын сунуштоо менен келгендигин билдирди.


колЫсык-Көлдө “Борбор Азиядагы экосистемага мониторинг жана изилдөө: жыйынтыктар жана илимий-практикалык пайдалануу” деген темада эл аралык илимий-практикалык семинар өткөрүлөт.

Семинар КР УИАнын Суу проблемалары жана гидроэнергетика Институтуна караштуу Ысык-Көлдөгү Кызыл-Суу айылында жайгашкан Тянь-Шань бийик тоолуу илимий борбордун базасында, 2018-жылдын 26-30-августунда өтөт.


IMG 20180806 WA0001Кыргыз Республикасынын Улуттук илимдер академиясынын Математика институтунун директору, академик Алтай Борубаев жана аталган институттун «Топология жана функционалдык анализ» лабораториясынын ага илимий кызматкери, физика жана математика илимдерин доктору Бекболот Канетов Грецияда өткөн  «Topology and its Applications» эл аралык илимий конференциясына катышып келишти.


Ысык КолЫсык-Көлдө “Ысык-Көл Кыргызстандын табигый мурас объектиси катары” деген экологиялык семинар өттү. Иш-чаранын максатына илимий маалыматтар, экологиянын адамдын руханий калыптануусундагы ролу боюнча пикир алмашуу кирген. Атап кетсек, Ысык-Көл жаратылыш объектиси, ойлоонун жана чыгармачылыктын булагы, Ысык-Көлдүн социалдык мааниси жана көлгө карата экологиялык мамиле деген темада талкуу жүрдү. Жаратылыштын мурасы заманбап цивилизациянын системасында феномен катары маанисине баа берилди.